Endeleg tid for levande lys og eplekake. Det er haust!
Saftig eplekake frå Hardanger på den gode, gamle måten. Oppskrifta vi har basert oss på har vi funne i Epleboka av Astrid Grønsnes og Sara Grethe Eitrheim. Ei bok som tek for seg eple i mat, kultur og kunst. Denne oppskrifta er til mellomstor springform. Vil du lage ei eplekake i langpanne (35×40), dobler du oppskrifta.
Ingrediensar:
- 110 g smør
- 2 egg
- 1 dl mjølk eller fløte
- 2,5 dl sukker
- 2 ts bakepulver
- 3 dl kveitemjøl
- 5-6 skrelte eple i båtar
- Kanel
- Sukker
- Perlesukker
Sett ovnen på 180*.
Skrell og del epla i båtar og ha dei i ein pose med sukker og kanel. Rist godt. Ha i så pass at det dekker eplebåtane. La dei ligge.
Smør forma (ev. bruk bakepapir). Visp egg og sukker til eggedosis. Kok opp smør og melk og hell denne blandinga kokande i eggedosisen. Sikt inn mjøl og bakepulver. Slå deigen i forma og legg eplebåtane i mønster oppå deigen. Strø med kanel og perlesukker.
Ta vare på juicen som er att i epleposen. Denne kan du enten helle over kaka før du setter den i ovnen eller ha på isen når du serverer kaka.
Steik på midterste rille i ca 40 min.
Server med is, krem eller vaniljesaus og har du litt mynte er det godt til. Nyt!
