Ha serviettar og vaskefat klart, dette er messy og digg!
Ingrediensar til 2 personar:
- Ca 0,5 kg kokte krabbebein/klør
- Nøytral olje til steiking
- 1 ss asiatisk fiskesaus
- 4-5 ss søt soyasaus
- 1-2 ss grovkverna pepper
- 4 fed kvitløk
- 1 raud chili
- 1 ss raspa ingefær
- Ein neve frisk koriander
Slik gjer du:
Start med å steike klørne i olje, svi dei lett. Skru så ned varmen til medium. Ha oppi sausar og krydder. Vend det godt i hop i eit par minutt.
Rett før servering riv over koriander.
Dette er ein god måte å få spist beina, men det funker like godt med krabbeklør om ein vil ha meir mat i retten. Same framgangsmåte med klør, men knekk dei litt opp før steiking og fjern ev. lause skallbitar.
Server med krabbebestikk for å få ut kjøttet, men her er det lov og nødvendig å eta med hendene. Mykje av smaken sit i skallet. Slurp i deg!
PS! Vi anbefaler absolutt ikkje tygging av skal!😅
Har du smakt grilla hummar med urtesmør? Retten du dagdrømmer om etterpå!
