Søtt og salt i skjønn foreining!
Husk at kalkunen tek eit par dagar å tine!
Marinade til kalkun, ca 5-6 kg
- 2 dl soyasaus
- 2 dl honning
- 2 ss sesamolje
- 4 ss fersk riven ingefær
- 1 ss konsentrert kyllingkraft
- 1 ss pepper
- 1,5 dl sukker
- 2 ss smør
- 2 ts asiatisk 5 spice krydder
Ingredienser stuffing:
- 4 små syrlege eple
- 6 ss raspa ingefær
- 1 neve knust fersk grøn pepper
- 2 buntar med vårløk
- 2 dl hardangersider eller kvitvin
- 3 ss Cocosa, kokosolje
Ingrediensar saus:
- Kveitemjøl
- 1 ss smør
- Ein skvett fløte
- Ev. restar fra marinaden
Slik gjer du:
- Salt kalkunen over natta. Gni den inn med salt, få så mykje under skinnet som du klarer. Opne den gjerne litt på undersida for å få salta og sidan marinert.
- Kok kraft på posen med innmat som fylgjer med.
- Sett ovnen på 180 ℃.
- Bland marinaden i ei panne og varm lett opp for å få honning og smør blanda inn.
- Gni heile kalkunen godt inn med marinade, så mykje som mogleg inn under skinnet. Om det sprekker kan du “sy det att” med tannpirkarar.
- Kutt opp epler i båtar, hakk vårløk, rasp ingefær, knus grøn pepper og bland i sider/kvitvin og kokosolje.
- Ha stuffingen inn i kalkunen.
- Knyt saman kalkunlåra med bomullstråd. Ha vingene under slik at kalkunen ligg fint.
- Sett kalkunen på ei steikeplate og dekk med folie. Hell ein kopp med vatn og ein dæsj soyasaus på steikeplata.
- Sett kalkunen i ovnen. Omlag 30 min per kilo.
- Ha over kraft frå forma på kalkunen – og pass på at forma ikke går tørr. Spe på med vatn når det trengst.
- Steik til kjernetemperaturen i låret er 65℃.
- Nesten like viktig som rett steiking er god kvile. Pakk kalkunen inn i folie og gjerne eit handkle. La den stå minst ein time før servering.
- Ta krafta frå steikeplata og sil den over i krafta frå innmaten.
- Lag ein fast ball av mjøl og smør. Kok denne saman med krafta. Ha i ev. restar frå marinaden.
- Skjær opp kalkunen og server med det du vil. Vi hadde pimpa ris og mangosalat med granateple og avokado. Vilt digg!
