Elskar denne lavkarbo-pizzaen!
Etter å ha endra kosthold brukte eg litt tid på å finne fram til “kosematen”, men no har eg funne masse godt. Og denne pizzaen likar eg like godt som pizza med tradisjonell bunn! Har servert den og fått “terningkast 6” av ei god venninne.
Den er digg – ikkje berre “etstatningsgod”.
Ingrediensar fathead bunn:
- 150 g revet mozzarella
- 75 g philadelphia
- 1 egg
- 2 dl mandelmel
- Ca ei halv ts salt
Smelt mozzarella og philadelphia på medium varme til ein jamn masse. I ein bakebolle har du i mandelmel, egg og salt. Ha så i den smelta osten og jobb det godt saman. Lurt å vera litt rask. Ein kan bruke kjøkkenmaskin/miksar, men det blir fort litt kladdete. Eg føretrekk å miksa det for hand sjølv om det er litt jobb.
Enklaste er å bake deigen ut til ca 0,5 cm, smør den ut med ei sleiv og olivenolje. Dryss over litt mandelmel.
Prikk botnen med ein gaffel og steik den på midterste rille med skiva tomater i 12 min på 225 grader.
Min favoritt-topping er serranoskinke, cherrytomater, parmesan og ruccula. God olivenolje og balsamico.
Om du heller vil toppe med noko anna, feks denne pizzaen med asparges og blåskimmelost, forsteiker du bunnen i 6-8 min. Ha så på fyllet og steik til pizzaen ser ferdig ut. Dryss gjerne litt valnøtter over også. Sukrin gold sirup er ok som erstatning for honning om ein likar det på.
Nyt!
