Norske syrlege eple er fantastiske til mykje, også syltetøy! I år vart alle epla våre skadd av ei haglbyge og var dermed ikkje noko å putte i matpakken.
Eplesyltetøy kan lagast på ulike vis. Vi har laga eplesyltetøy med sitron og ingefær og eit batch med vanilje. Ingefær og chili blir og knusegodt.
Ingrediensar:
Eple og vanilje
- 1 kg norske syrlege eple i passelege bitar
- 1 dl vatn
- 2 dl sukker/sukrin
- Vaniljestong eller ekte vaniljepulver
Eple, sitron og ingefær
- 1 kg eple
- 1 dl vatn
- 1 medium sitron, skall og saft
- 50g ingefær
- 2 dl sukker/ sukrin
- Chili om du vil
Slik gjer du:
Så enkelt er det: Kutt epla i bitar. Ha i ei panne. Hell over vatn og sukrin. Kok til det er mørt og mos med stavmiksar. Ha på reine glas med tette lokk og oppbevar kaldt og mørkt.
Om du vil lage hot eplesyltetøy skreller du ingefær og kuttar den i små bitar. Vask sitron og rasp litt av skalet i panna, skvis ut safta og hell over.
Dette er så godt til ost, eit friskt syltetøy til lappar (lavkarbo eller vanleg) , vafler eller på skiva!
